"Traktor" baş məşqçi Mustafa Dənizli ilə yolları ayırıb.
Sportinfo.az xəbər verir ki, Təbriz klubu uğursuz nəticələrdən sonra təcrübəli türkiyəli məşqçini istefaya göndərib. Bir ara çempionatda lider olan "Traktor" hazırda turnir cədvəlində 18 xalla 8-ci yeri tutur. Komanda lider "Esteqlal"dan 7 xal geri qalır.
70 yaşlı Dənizli cari mövsümün əvvəlində Cənubi Azərbaycan komandasının sükanı arxasına keçmişdi. O, 2013-2014-cü illər mövsümündə "Xəzər Lənkəran"ı çalışdırıb.
