Bakıdakı Dünya Kuboku yarımçıq dayandırıldı

13 Mart 23:30 Digər növlər 129
Bakıdakı Dünya Kuboku yarımçıq dayandırıldı

Bakıda keçirilən idman gimnastikası üzrə Dünya Kuboku yarımçıq dayandırılıb.

Azərbaycan Gimnastika Federasiyasının mətbuat xidmətindən Sportinfo.az-a verilən məlumata görə, 14 və 15 mart tarixlərində keçirilməsi planlaşdırılan Dünya Kubokunun final mərhələləri Azərbaycan Respublikası Nazirlər Kabineti yanında Operativ Qərargahın qərarı rəhbər tutularaq ləğv olunub.

Bildirilib ki, Azərbaycan Gimnastika Federasiyasının bu qərarı dünyada yayılmış koronavirus xəstəliyinin Azərbaycan ərazisində yarada biləcəyi təhlükənin qarşısının alınması, profilaktik və təxirəsalınmaz tədbirlərin həyata keçirilməsi ilə bağlıdır.

Dünya Kuboku martın 12-də start götürüb. İlk iki gündə təsnifat yarışları keçirilib.

Xəbər Lenti
2 Aprel 23:30 SMS-lər pulsuz olacaq