Klubların dünya reytinqi yenilənib.
Sportinfo.az xəbər verir ki, Misli Premyer Liqasında çıxış edən komandaların mövqelərində dəyişikliklər olub.
Ən yüksək reytinqə malik klubumuz “Qarabağ” ilk “200-lüy”ə daxil olub. 17 pillə irəliləyən Qurban Qurbanovun yetirmələri hazırda planetin 190-cı komandasıdır.
“Qarabağ”la yanaşı, “Sabah”, “Zirə”, “Şamaxı” və “Sumqayıt”da da irəliləyiş müşahidə olunub. Xüsusən də sonuncuların sıçrayışı diqqət çəkir. “Gənclik şəhəri” təmsilçisi birdən-birə 106 addım irəliləyib.
“Turan Tovuz”, “Neftçi”, “Araz-Naxçıvan”, “İmişli”, “Qəbələ”, “Kəpəz” və “Karvan-Yevlax” isə geriləmə ilə yadda qalıblar. “İmişli”nin 123, “Kəpəz”in 64, “Neftçi”nin isə 53 komandanı özündən irəli buraxması xüsusi qeyd olunmalıdır.
Dünya reytinqinə maksimum – 100,0 əmsalla Almaniya “Bayern”i liderlik edir. İngiltərə klubları “Arsenal” (99,0) ikinci, “Mançester Siti” (97,6) isə üçüncü sıradadır.
Azərbaycan klublarının dünya reytinqindəki mövqeyi:
190 (17). “Qarabağ” – 81,3 əmsal
253 (7). “Sabah” – 80,3
550 (2). “Zirə” – 76,3
600 (-1). “Turan Tovuz” – 75,6
695 (-53). “Neftçi” – 74,6
1087 (-4). “Araz-Naxçıvan” – 71,6
1290 (29). “Şamaxı” – 70,1
1406 (106). “Sumqayıt” – 69,5
1451 (-123). “İmişli” – 69,2
1709 (-7). “Qəbələ” – 68,0
2206 (-64). “Kəpəz” – 65,8
2421 (-16). “Karvan-Yevlax” – 65,1
