Millimizin hücumçusu Mahir Emrelinin yeni komandası "Konyaspor" Türkiyə Superliqasında növbəti oyununu keçirib.
Sportinfo.az xəbər verir ki, Konya təmsilçisi 24-cü turda "Giresunspor"u qəbul edib.
Görüş qolsuz heç-heçə ilə başa çatıb. Mahir də bu oyunda iştirak edib.
O, əsas heyətdə meydana çıxıb və 56-cı dəqiqədə Robert Muriçlə əvəzlənib.
Bu, Mahirin "Konyaspor"da və ümumiyyətlə Superliqada rəsmi debüt oyunu olub.
"Konyaspor" 23 oyundan sonra 28 xalla 9-cu pillədə qərarlaşıb. "Giresunspor" isə 22 xalla 17-cidir.
Müqavilə ilə Zaqreb "Dinamo"suna məxsus olan Mahir Emreli bu qış icarə əsasında "Konyaspor"a keçib.
.jpg)
