Futzal üzrə Azərbaycan millisinin qapıçısı Rövşən Hüseynli Qazaxıstan çempionatında daha iki qol vurub.

Sportinfo.az xəbər verir ki, “Atırau”nun formasını geyinən qolkiper XXXII turda “Astana” ilə görüşdə (4:1) dubl müəllifi olub.

O, 27 və 30-cu dəqiqələrdə rəqib qapısına yol tapıb. Rövşən Qazaxıstan çempionatında daha əvvəl bir qol vurub.

Müqavilə ilə “Araz Naxçıvan”a məxsus olan Hüseynli 2022-ci ilin oktyabrından “Atırau”da çıxış edir. Onun komandası 32 oyunda 47 xal toplayıb və 10 komanda arasında 5-cidir.