“Komandamın yüksək hədəflərə çatması üçün əlimdən gələni edəcəm”.
Sportinfo.az xəbər verir ki, bunu "Tecon Xana Sitizen”ə yeni transfer edilən Azərbaycan millisinin futbolçusu Anton Krivotsyuk deyib.
Polşa təmsilçisi “Visla”dan (Plotsk) keçən 25 yaşlı müdafiəçi Cənubi Koreya klubunun rəsmi saytına açıqlamasında təəssüratlarını bölüşüb:
“Yeni klubuma gec qoşulmuşam. Buna görə də, komanda yoldaşlarımla sıx ünsiyyət quraraq, kollektivə tez uyğunlaşmağa çalışacam.
“Tecon Xana Sitizen” 8 ildən sonra ötən il yüksək liqaya yüksəlib. Buna görə də, bu ay başlayacaq mövsüm çox vacibdir”.
Anton Krivotsyuk “Visla”ya 2021-ci ilin yayında “Neftçi”dən keçib.
.jpg)
