Polşa çempionatında 7-ci turun oyunları keçirilir.
Sportinfo.az xəbər verir ki, millimizin müdafiəçisi Anton Krivotsyukun çıxış etdiyi “Visla” (Plotsk) bu turda səfərdə “Qurnik”lə (Lençna) qarşılaşıb.
Matç meydan sahiblərinin 3:2 hesablı qələbəsi ilə başa çatıb. Krivotsyuk da bu görüşün iştirakçısı olub.
O, oyunastart heyətdə başlayıb və sonadək mübarizə aparıb. 23 yaşlı müdafiəçi 72-ci dəqiqədə sarı vərəqə ilə cəzalandırılıb.
“Visla” hazırda 7 xalla 18 komanda arasında 13-cü pillədə qərarlaşıb.