"Operativ Qərargahın tələb və tövsiyələrini nizam-intizamla yerinə yetirdikləri üçün hamıya minnətdaram".
Sportinfo.az xəbər verir ki, bu sözlər AFFA-nın icraçı vitse-prezidenti ELxan Məmmədovun dilindən çıxıb.
Futbol qurumunun ən məsul şəxsi əvvəllər klublara təqdim edilmiş tibbi protokolun yoluxma riskinin qarşısını almasa belə, əhəmiyyətli dərəcədə azaltmağa qadir olduğunu vurğulayıb.
O, məşqçilər, futbolçular, ictimaiyyət nümayəndələrinə anlayış və dözümlərinə görə təşəkkürünü bildirib: "Məhz müəyyənləşdirilmiş qaydalara əməl edilməsi sayəsində virusun yayılma dinamikasını azaltmaq mümkün oldu.
Bu da yekunda həyatımızın tədricən normal ritmə düşməsinə gətirib çıxardı. Əminəm ki, Azərbaycan futbol ictimaiyyəti Prezident İlham Əliyevin çağırışına əməl edərək, gələcəkdə də bütün lazımi ehtiyat tədbirlərini görəcək".