Gürcüstan çempionatında 8-ci turun oyunları keçirilib.
Sportinfo.az xəbər verir ki, azərbaycanlı futbolçu Nicat Qurbanovun çıxış etdiyi “Samtrediya” bu turda səfərdə Batumi “Dinamo”su ilə qarşılaşıb və 0:2 hesabı ilə uduzub.
Nicat da bu görüşün iştirakçısı olub. 28 yaşlı yarımmüdafiəçi start heyətdə meydana çıxıb və 10-cu dəqiqədə zədə səbəbindən əvəzlənib.
N.Qurbanov bu mövsüm 3 qol vurub. Əlavə edək ki, 8 turdan sonra 8 xalı olan “Samtrediya” 10 komanda arasında 8-ci pillədə qərarlaşıb.
