2024/25 mövsümü Azərbaycanı Avropa kuboklarında təmsil edəcək bütün komandaların adları dəqiqləşib.
Sportinfo.az xəbər verir ki, Misli Premyer Liqasının bu gün keçirilən sonuncu - 36-cı turunun ilk gününün 3 matçından sonra bəlli olub.
“Sabah” səfərdə “Neftçi”yə (1:0), “Zirə” öz meydanında “Səbail”ə (1:0, “Sumqayıt” isə “Qəbələ”yə (1:0) qalib gəlib.
Bu nəticədən sonra “Zirə” çempionatı 58 xalla 2-ci, “Sabah” 3-cü (58 xal), “Sumqayıt” isə 57 xalla 4-cü yerdə başa vurub. “Neftçi” 56 xalla 5-ci olub və avrokuboklardan kənarda qalıb.
Beləliklə, yeni mövsüm Azərbaycanı Avropa kuboklarında “Qarabağ” (Çempionlar Liqası), “Zirə” (Avropa Liqası, kubokun finalının nəticəsindən asılı olmayaraq), “Sabah” və “Sumqayıt” (hər ikisi Konfrans Liqası) təmsil edəcəklər.
.jpg)
