Qətərdə keçirilən dünya çempionatında son 28 ilin azarkeş rekordu qırılıb.
Sportinfo.az xəbər verir ki, ötən gecə keçirilmiş Argentina – Meksika matçını 88966 futbolsevər izləyib.
Bu, son 28 ilin rekordu kimi tarixə düşüb.
Belə ki, bundan öncə ən çox tərəfdar toplamış matç 1994-cü ildə keçirilmiş dünya çempionatının finalı olub.
Həmin vaxt Braziliya və İtaliya yığmaları arasında baş tutmuş həlledici oyunu 94194 azarkeş izləyib.
Argentina yığması həmin oyunda Meksikanı 2:0 hesabı ilə məğlub edib.