Bu gün Avropa Liqasında qrup mərhələsinə yekun vurulacaq.
Sportinfo.az xəbər verir ki, “Qarabağ” Bakıda “Frayburq”u qəbul edəcək.
Qrupda 1-ci yeri təmin edən Almaniya təmsilçisi üçün görüş formal xarakter daşısa da, “Qarabağ” üçün vacib matçdır.
Almaniyadakı görüşdə bu rəqibinə uduzan (1:2) "Qarabağ" pley-offa yüksəlmək üçün bu dəfə qalib gəlməlidir.
Ağdam klubu oyunla bağlı fanatları müjdələyib:
“Bu günə özəl olaraq B girişindən istifadə edəcək azarkeşlərimizi xüsusi sürprizlər gözləyir.
Nə olduğunu demirik, sürpriz olaraq qalsın Sizi stadionda gözləyirik. Biz birlikdə "Qarabağ"ıq!”.
