Oktyabrın 29-da Gəncə şəhər stadionunda keçiriləcək “Kəpəz” – “Səbail” oyununun biletləri satışa çıxarılıb.
Sportinfo.az xəbər verir ki, biletlərin qiyməti 3 və 10 manatdır.
3 manatlıq biletlər stadionunun birinci yarısının üstüaçıq tribunaları, çox məhdud sayda olan 10 manatlıq biletlər isə VİP tribuna üçün nəzərdə tutulub.
3 manatlıq biletlər rənglərinə uyğun olaraq iki yerə bölünür: sarı zolaqlı biletlər B (stadiona daxil olarkən sol tərəfdəki tribunalar), göy zolaqlı biletlər isə A sektoru (sağ tərəfdəki tribunalar) üçün keçərlidir.
Bilet satışı oyun günü Gəncə şəhər stadionunun kassasında da olacaq.
"Kəpəz" - "Səbail" oyunu saat 15:00-da start götürəcək.
