Dünyada “Real” və Ronaldo, bəs bizdə? – Azərbaycanın məşhurları

Sosial şəbəkələr gündəlik həyatımızın ayrılmaz hissəsinə çevrilib.

Texnologiyanın sürətlə inkişaf etdiyi son illərdə insanları telefon və bilgisayarsız təsəvvür etmək mümkün deyil.

Tanınmış simalar isə bu mənada daha çox aktivlik nümayiş etdirir. Az qala hər dəqiqələrini izləyicilərinə təqdim etməklə gündəmdə qalmağa çalışırlar.

Ən populyar platforma sayılan “instagram”a diqqət yetirsək, dünyanın ən çox izlənən klubu “Real Madrid” (176 milyon nəfər), ən çox diqqət mərkəzində olan futbolçu isə 658 milyon izləyiciyə sahib Kriştiano Ronaldodur. Dünya ulduzu Lionel Messini diqqətdə saxlayanların sayı isə 505 milyon nəfərdir.

Bəs, Azərbaycan futbolunda vəziyyət necədir? Hansı klub və futbolçu digərlərini qabaqlayır?

“Qarabağ”ın əlçatmaz olmasının başlıca səbəbi avrokuboklarda göstərdiyi nəticələrdir. Ağdam təmsilçisini təkcə yerli futbolsevərlər yox, Avropadakı rəqibləri və onların azarkeşləri də izləyir. “Qarabağ” 1 milyon izləyici yığa bilməsə də, təxminən buna yaxın rəqəmdir – 724 min nəfər.

“Neftçi” 124 min izləyici ilə ikincidir.

Futbolçuların siyahısına Mahir Emreli başçılıq edir. Mahirin legioner həyatı yaşaması, son 4 ildə Polşa, Türkiyə, Xorvatiya və Almaniya klublarının şərəfini qoruması izləyici rəqəminə öz təsirini göstərib. Müəyyən vaxtlarda adının qalmaqallarda hallanması, qəlyan həvəskarı kimi azarkeşlərin qəzəbinə tuş gəlməsi də izləyicilərinin sayının artmasına səbəb olub. Hazırda 115 min adam Emrelinin “instagram” paylaşımlarını gözdən qaçırmamağa çalışır.

Siyahıda Mahirdən sonra yer alan Azərbaycan millisinin üzvlərinin göstəriciləri belədir: