Azərbaycan Kubokunda 1/4 finalın ilk oyunlarında 13 qol vurulub.
Sportinfo.az Peşəkar Futbol Liqasının rəsmi saytına istinadən xəbər verir ki, bu, son 6 mövsümün rekordudur.
1/4 finalın ilk matçlarında daha çox qolun qeydə alınması sonuncu dəfə 2016/2017 mövsümünə təsadüf olunub. Həmin vaxt 4 görüşdə 14 qol vurulub.
Bu qarşılaşmalar üçün mütləq rekord 2006/2007 mövsümündə gerçəkləşib. 1/4 finalın 2007-ci ildə baş tutan ilk oyunlarında 17 qol qeydə alınıb.
Ötən mövsüm bu rəqəm 8-ə bərabər olub.
