UEFA ötən mövsümün ən yaxşı baş məşqçisi adına namizədlərin yekun siyahısını açıqlayıb.
Sportinfo.az xəbər verir ki, siyahıda 3 mütəxəssis yer alıb.
Bunlar "Real"a rəhbərlik edən Karlo Ançelotti, onun İngiltərənin "Mançester Siti" klubundakı həmkarı Xosep Qvardiola və "Liverpul"un sükanı arxasında olan Yurgen Kloppdur.
Qalibin adı avqustun 25-də Çempionlar Liqasının qrup mərhələsinin püşkatma mərasimində açıqlanacaq. Tədbir Türkiyənin İstanbul şəhərində baş tutacaq.