Bu il Formula 1 yarışması zamanı Dənizkənarı Milli Park bağlanmayacaq.
Sportinfo.az xəbər verir ki, bu barədə Trend-ə Bakı Şəhər Halqasından (BŞH) məlumat verilib.
Bildirilib ki, bu il koronavirus pandemiyası ilə əlaqədar əyləncə zonası, "Formula 1 Village” olmadığına görə bulvarın bağlanmasına ehtiyac olmayacaq.
Əvvəlki yarışlar zamanı Dəmizkənarı Milli Park yarış müddətində bağlanırdı, orada əyləncə zonası təşkil olunurdu və yalnız biletləri olan insanlar həmin əraziyə buraxılırdı.
Azərbaycanda Formula 1 Qran Prisinin 2021-ci il 4-6 iyunda keçirilməsi nəzərdə tutulur.