“Vankuver”in (Kanada) hücumçusu Tomas Müller keçmiş klubu “Bayern”lə bağlı açıqlama verib.
Almaniyalı futbolçu “qızıl top” müzakirələrində keçmiş komanda yoldaşları Harri Keyn və Maykl Olise arasında seçim edib və fransalı vingerə üstünlük verdiyini bildirib.
Sportinfo.az xarici KİV-ə istinadən xəbər verir ki, Müller, Keynin effektivliyini yüksək qiymətləndirərək onu “ən yaxşı hücumçu” adlandırsa da, “qızıl top” üçün başqa kriteriyaların önəmli olduğunu vurğulayıb:
“Keyn çox şey bacarır, amma o, driblinqlə bir neçə rəqibi keçən tip oyunçu deyil.
“Qızıl top”da isə “artistlik” elementi nəzərə alınır. Bu baxımdan Olise daha uyğundur”.
Onun sözlərinə görə, Olise həm yaradıcı oyun tərzi, həm də effektivliyi ilə seçilir və komandanın oyununa ciddi təsir göstərən futbolçudur.
