PSJ “Leyptsiq”in cinah oyunçusu Yan Diomandeni transfer etmək istəyir.
Sportinfo.az xarici KİV-ə istinadən xəbər verir ki, Almaniya klubu isə 19 yaşlı futbolçunu saxlamaq istəyir və ona yeni müqavilə təklif etmək fikrindədir.
Lakin PSJ vinger üçün 100 milyon avroluq təklif irəli sürərsə, “Leyptsiq” onu satacaq.
Diomande bu mövsüm bütün turnirlərdə 34 oyunda meydana çıxıb, 13 qol vurub və 9 məhsuldar ötürmə edib.
Onun Almaniya klubu ilə müqaviləsinin müddəti 2030-cu ilin ortalarına qədərdir. “Transfermarkt” futbolçunun dəyərini 75 milyon avro qiymətləndirir.
