Avropanın aparıcı klubları Leverkuzen “Bayer”inin hücumçusu Kristian Kofanla maraqlanır.
Sportinfo.az xarici KİV-ə istinadən xəbər verir ki, xüsusilə, “Arsenal” kamerunlu forvardı yaxından izləyir.
19 yaşlı futbolçu London klubuna qarşı UEFA Çempionlar Liqasının 1/8 final mərhələsindəki oyunlarda (1:1, 2:0) göstərdiyi performansla diqqət çəkib.
Bununla yanaşı, “Real” da Kofanın çıxışını izləyən klublar sırasındadır. İngiltərənin digər top-klublarının da onunla maraqlandığı bildirilir.
“Bayer” rəhbərliyi yay transfer dövründə mümkün satış üçün futbolçuya 60-70 milyon avro qiymət qoyub.
O, cari mövsümdə Bundesliqada 24 matçda iştirak edib, 5 qol vurub və 3 məhsuldar ötürmə verib.
