“Bayern”in Müşahidə Şurasının üzvü Karl-Haynts Rummenigge, komandanın yarımmüdafiəçisi Maykl Olisenin potensial transferi ilə bağlı şərh verib.
Sportinfo.az AS-a istinadən xəbər verir ki, o, klub rəsmilərinin Olise haqqında yayılan şayiələrə gülümsədiyini bildirib:
“Klub rəsmiləri Olise haqqında yayılan şayiələrə gülümsəyir. Bu, sadəcə media sirkindən başqa bir şey deyil.
Mayklın hazırkı müqaviləsinin müddətinin bitməsinə hələ üç il qalıb. Başqa deyəcək sözüm yoxdur. Belə oyunçular stadionları doldurur”.
Fransalı futbolçu bu mövsüm Münhen təmsilçisində 38 oyun keçirib, 16 qol vurub və 25 məhsuldar ötürmə verib.
