“Bayern”in müdafiəçisi Kim Min Jae Münhen klubunu qış transfer pəncərəsində tərk edə biləcəyi barədə yayılan şayiələrə münasibət bildirib.
Sportinfo.az xəbər verir ki, cənubi koreyalı futbolçu “Schwabische Zeitung” nəşrinə verdiyi açıqlamada belə bir fikrin ağlına belə, gəlmədiyini deyib.
O, Münhendə özünü rahat hiss etdiyini və keçidindən bəri komandada isti qarşılandığını söyləyib.
Kim Min Jae builki məqsədinin “Bayern”lə trebl qazanmaq, əsas heyətdə yerini möhkəmləndirmək və hər zaman oyunlara hazır olmaq olduğunu bildirib.
29 yaşlı futbolçu 2023-cü ilin yayında 50 milyon avro qarşılığında “Napoli”dən “Bayern”ə transfer olunub. Onun klubla müqaviləsinin müddəti 2028-ci ilin iyununa qədərdir.
Futbolçu cari mövsümdə 17 oyunda iştirak edib və 1 məhsuldar ötürmə verib.
