COP29

Gecikdi, 100 manat ödəməli oldu – Qarabağ təmsilçisi

20 Aprel 02:40 II Divizion 501
Gecikdi, 100 manat ödəməli oldu – Qarabağ təmsilçisi

AFFA İntizam Komitəsinin iclası keçirilib.

Sportinfo.az xəbər verir ki, iclasda II Liqanın XXI turunun oyunları ilə bağlı aşağıdakı qərarlar qəbul edilib:

15.04.2024-cü il tarixində II Liqada XXI turun “Şahdağ Qusar” – “Şəmkir” oyununun 89-cu dəqiqəsində “Şahdağ Qusar” komandasının 97 nömrəli futbolçusu Kənan Mirzəliyev ikinci sarıdan qırmızı vərəqə aldığına görə 1 oyun cəzalanır, “Şahdağ Qusar” klubu 50 manat cərimə edilir (maddə 36.5);

15.04.2024-cü il tarixində II Liqada XXI turun “Şahdağ Qusar” – “Şəmkir” oyununda “Şəmkir” klubunun 4 futbolçusu sarı vərəqə aldığına görə “Şəmkir” klubu 70 manat cərimə edilir (maddə 37);

15.04.2024-cü il tarixində II Liqada XXI turun “Lerik” – “Füzuli” oyununun 88-ci dəqiqəsində “Lerik” komandasının 42 nömrəli futbolçusu Valid Yusubzadə rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanır, “Lerik” klubu 80 manat cərimə edilir (maddə 41);

15.04.2024-cü il tarixində II Liqada XXI turun “Lerik” – “Füzuli” oyununda PFL Əsasnaməsinin tələbləri pozulduğuna görə “Lerik” klubu 50 manat cərimə edilir (maddə 70.1);

16.04.2024-cü il tarixində II Liqada XXI turun “Ağdaş” – “Cəbrayıl” oyununda “Cəbrayıl” klubu matçın ilkin protokolunu PFL-in elektron bazasında gec təsdiq etdiyinə görə “Cəbrayıl” klubu 100 manat cərimə edilir (maddə 91).

Digər Xəbərlər
Xəbər Lenti