Azərbaycan II Liqasında XIX turun görüşləri keçirilib .
"Şəki Siti" doğma rayonda "Şəmkir"i qəbul edib.
Qarşılaşma qonaqların hücumları ilə başlayıb. Qərb təmsilçisi ilk hissədə inanılmaz epizodlar qaçırıb.
“Şəmkir”in qapısına yaxınlaşa bilməyən ev sahibləri uzaqdan zərbələrə üstünlük verib. Stadiona toplaşan 300 azarkeş yalnız 1 qol görüb.
O da ikinci hissənin əvvəlində “Şəmkir”li oyunçuların orta sahədə ard-arda səhv ötürmələrindən sonra topu ələ keçirən Tural Məmmədzadə 55-ci dəqiqədə gözəl zərbəylə hesabı açıb.
Səbəbkar qol sevincini Ronaldo kimi bölüşüb və tribuna əhlini əyləndirib. Gözlənilməz gedişatdan şok keçirən “Şəmkir”lilər 4 dəqiqə sonra daha bir zərbə alıb.
Cərimə meydanaçasından kənara çıxan kapitan Novruz Rəhimov topu uzaqlaşırmaq istəsə də, ilk iki cəhdi alınmayıb.
Ayağı boşa çıxan qapıçı topu götürüb ondan uzaqlaşmaq istəyən Məmmədzadəni kobudluqla dayandırıb. Baş hakim Mahmud Bağırzadənin ona qırmızı vərəqə göstərməsindən sonra qonaqlar oyundan qapub.
Yalnız bir fraqmentdə “Şəki”ni cəzalandırmağa yaxın olan “ağ-göylər”on onda da bəxti gətirməyib.
Bu sarıdan “paxlavaçılar”ın da şansı üzünə gülməyib. Axır 30 dəqiqədə xeyli belə fürsəti fövtə veriblər.
Qarşılaşma ev sahiblərinin minimal hesablı qələbəsi ilə başa çatıb.
Xallarını 31-ə yüksəldən "Şəki Siti" turnir cədvəlinin 6-cı pilləsində qərarlaşıb. 10 xalı olan "Şəmkir" isə 12-ci yerdədir.
SPORTİNFO.AZ
Şəki şəhər stadionu. 300 tamaşaçı |
|
|
||
|