II Liqada 26-cı tur davam edir.
Sportinfo.az xəbər verir ki, ikinci oyun günündə 2 matç keçiriləcək.
Lider "Xankəndi" "Şirvan"la, 2-ci yerdəki "Qaradağ Lökbatan" isə "Quba" ilə qarşılaşacaq. Sözügedən görüşlərlə sona 1 tur qalmış liqada çempion müəyyənləşə bilər.
Hazırda "Xankəndi"nin 70, "Qaradağ Lökbatan"ın 67 xalı var. "Qaradağ Lökbatan" uduzacağı halda "Xankəndi"yə 1 xal da bəs edəcək.
Əgər ikinci yerdəki komanda heç-heçə edərsə, lider kollektivə çempionluğu rəsmiləşdirmək üçün qələbə lazım olacaq.
Lakin hər iki komanda uduzsa, heç-heçə etsə və ya qələbə qazansa, çempionluğun taleyi son tura qalacaq.
“Xankəndi” – “Şirvan”
Hakimlər: Namiq Bəkirov, Vüqar Bayramov, İlkin Mustafazadə, Hacıağa Həsənov
Hakim-inspektor: İmanxan Sultani
AFFA nümayəndəsi: Asif Əliyev
Şamaxı OİK sadionu
“Qaradağ Lökbatan” – “Quba”
Hakimlər: Rövşən Rəcəbov, Məmmədəli Kərimov, Əhməd Əhmədsoy, Nazim Abdullayev
Hakim-inspektor: Şahin Cəfərov
AFFA nümayəndəsi: Elvin Yaqub
Lökbatan OİK stadionu
sssssssss.jpg)
