II Liqada 17-ci turun oyunları davam edir.
İkinci oyun gününün ilk qarşılaşmasında "Şirvan" doğma meydanda "Quba"nı qəbul edib.
Matç ev sahiblərinin minimal hesablı qələbəsi ilə yekunlaşıb.
Günün digər qarşılaşması olan "Şəmkir" - "Xankəndi" matçı isə baş tutmayıb. Buna səbəb hər iki klubun oyunçularının oxşar rəngdə geyimdən istifadə etməsidir.
Qonaqlar səfərə ağ və göy formayla yollanıbsa, meydan yiyələrində göy-ağ forma olub. Belədə baş hakim Kamran Əliyev «Xankəndi»dən başqa rəngdə gyeim tapmalarını istəyib.
Odur ki, 15:00-da başlanmalı olan qarşılaşmanın start saatı iki dəfə irəli çəkilib. Öncə 15:40-a təyin edilib, ardınca 16:30-ə.
Çempionatın lideri 16:15-də «Barselona»nın formasına oxşayan geyim taparaq, yaşıl sahəyə ayaq basıb. «Şəmkir»lilər isə paltardəyişmə otağının yolunu tutub və bir daha geri qayıtmayıb.
SPORTİNFO.AZ
VİDEONU BU LINKƏ DAXİL OLARAQ İZLƏYİN
"Şirvan" - "Quba" 1:0
Qol: R.Şahbazov, 10
Hakimlər: Rəsul Babayev, Asif Abdullayev, Rasim Axundov, Vüqar Alıyev
Şirvan OİK stadionu
15.00. "Şəmkir" - "Xankəndi" (Matç baş tutmayıb)
Hakimlər: Kamran Əliyev, Əkbər Əliyev, Əhməd Əhmədsoy, Ceyhun Hüseynov
Şəmkir OİK stadionu
10 mart (çərşənbə axşamı)
15:00. "Araz Saatlı" - "Dinamo"
15:00. "Göygöl" - "Şəki Siti"
15:00. "Ağdaş" - "Qaradağ Lökbatan"
8 mart (bazar)
"Kür-Araz" - "Ağstafa Gəncləri" - 2:2
