«Şəmkir» rəhbərliyi Vüqar Nadirovun qarşısına konkret məqsəd qoyub.
Komanda növbəti 3 turda minimum 7 xal qazanmalıdır.
Şər deməsən, xeyir gəlməz - işdir, o, bu qədər xal toplamasa, baş məşqçi postu ilə vidalaşacaq.
Qərb təmsilçisi bu gün II Liqada beşinci turun matçına çıxacaq. Bakıda «Şəki»nin qonağı olacaqlar.
«Ağ-qırmızılar» daha sonra «Qaradağ Lökbatan» və «Xankəndi» ilə üz-üzə gələcək.
«Şəmkir» geridə qalan həftələrdə 9 xal toplayıb. Turnir cədvəlində dördüncü pilləni tutan kollektivin aktivində 3 qələbə var.
Ölkə kubokunda «Göygöl»ə uduzaraq mübarizəni erkən dayandıran koimandanın bütün fikirləri I Liqaya bağlıdır.
Çempion olmaq iddiasıyla yeni mövsümə başlamış «Şəmkir» hələlik güclü rəqiblərindən yalnız «Quba» ilə qarşılaşıb və səfərdə 0:1 hesabıyla uduzub.
SPORTİNFO.AZ
