II Liqanın 8-ci turunda iki «Araz» üz-üzə gəlib.

«Saatlı-Araz»la «Kür-Araz»ın qarşılaşması Şirvanda baş tutub.

Altı qolune vurulduğu, amma üçünün sayılmadığı duel qonaqların qələbəsiylə yekunlaşıb.

Elnur Məmmədov 22-ci dəqiqədə Ramazan Abbasovun ötürməsini qola çevirib. Onun cərimə meydançası daxilindən yaxın küncə fırladığı zərbəyə qapıçı Ümüd Cəfərov heç bir reaksiya göstərməyib, yerində donub qalıb

. Düz 41 dəqiqə sonra Abbasovun özü usta vuruşla fərqi artırıb. Saatlı komandasının hücumçusu Xəyal Bədirov topu tora göndərəndə isə dəqiqələr hələ 78-i göstərirdi.

Deməli, nominal ev sahiblərinin status-kvonu bərabərləşdirməsi, hətta önə keçməsi üçün vaxtı var idi

Di gəl, Şəhriyar Məmmədovun çalışdırdığı kollektiv əhəmiyyətli zamanı boş yerə xərclədi, ayağa gələn şansları dəyərləndirmədilər. Elariz Xəlilli və digərlərinin qapıya düşə bilməməsi «Kür»ə 3 xal bəxş etdi.

İmişli təmsilçisi bu qələbə sayəsində xallarının sayını 12-yə çatıdrdı və turnir cədvəlində «Saatlı-Araz»ını keçdilər. İndi onlar 6-cı, saatlılar isə 8-ci pillədədir.

SPORTİNFO.AZ

“Saatlı-Araz” – “Kür-Araz” 1:2
Qollar: Xəyal Bədirov, 78 // Elxan Məmmədov, 22; Ramazan Abbasov, 63
Şirvan OİK stadionu. 30 tamaşaçı
Baş hakim: Şamil İmanzadə
Baş hakimin köməkçiləri: Anar Bədəlov, Aydın Bəxşiyev
Dördüncü hakim: Niyaz Əhmədov
Hakim-inspektor: Ramil Diniyev
AFFA nümayəndəsi: Mahal Məmmədov
Sarı vərəqələr: Ramin Süleymanov, 31 (qeyri-idman hərəkəti); Ramiz Qasımov, 58 (qeyri-idman hərəkəti); Xəyal Bədirov, 63 (hakimin qərarına etiraz); Ümüd Cəfərov, 70 (hakimin qərarına etiraz) // Ramazan Abbasov, 79 (hakimin qərarına etiraz); Fəzail Şirxanzadə, 81 (qeyri-idman hərəkəti)
Artırılan vaxt: I hissədə - 1 dəq.; II hissədə - 5 dəq.

“Saatlı-Araz”: 1. Ümüd Cəfərov 9. Nurlan İsayev 19. Rəsul İbrahimov 7. Xəyal Bədirov (k) 15. Cavid Əliyev 8. Ramin Süleymanov (5. Qurban Hüseynov, 76) 17. Elariz Xəlilli 44. Ramiz Qasımov 4. Loğman Əliyev 66. Turqut Mustafazadə 49. Pərviz Eyvazov (11. Kamran Yolçiyev, 46)
Ehtiyat oyunçular: 12. Teymur Hüseynov 6. Həmzə Əliyev 14. Abdulla Köngülov 24. Ülvi Əvəzov
Baş məşqçi: Şəhriyar Məmmədov

“Kür-Araz”: 99. Əmrah Zülfüqarlı 11. Ramazan Abbasov 14. Elnur Məmmədov (k) 22. Mirabbas Mirbabayev 9. Elxan Məmmədov 10. Bayram Əliyev 18. Nicat Fərəcli (3. Eltun Həsənli, 87) 15. Babək Yaqublu 5. İlkin Hüseynli 7. Fəzail Şirxanzadə 13. Nihad Məmmədov (6. Ağasən Əsgərov, 68)

Ehtiyat oyunçular: 1. Şöhlət Rəhimov 12. Hilal Maqsudlu 8. Cavidan Musazadə 4. Fərid Oruczadə 16. Əli İbrahimli
Baş məşqçi: Üzeyir Sefizadə