.jpg)
Azərbaycan II Liqasında XXII turun görüşləri keçirilib.
"Göygöl" öz meydanında "Lerik"i qəbul edib.
İlk hissədə qarşılıqlı hücumlar bir-birini əvəz edib. Qapılar önündə təhlükəli epizodlar yaradılıb, açıq oyun gedib.
Qonaqlar qol da vurub. Heydər Babayev qapıçıyla üzbəüz qalaraq toru silkələyib, amma yan xətt hakim oyundankənar vəziyyət olduğunu göstərərək, bayrağını yuxarı qaldırıb.
Fasilədən sonra «Lerik» müdafiə xəttində kobud səhvləri ilə yadda qalıb. İlk belə xətadan sonra ev sahiblərinin 23 yaşlı yarımmüdafiəçisi Sənan Həsənov yaxın küncü dəqiq nişan alıb.
70-ci dəqiqədə Nurlan Əmirzadə cərimə zərbəsindən göndərilən topu gözəl baş zərbəsiylə qapıdan keçirib. Bu da sonuncu olmur.
Cənub təmsilçisinin arxa xəttinin 83-ci dəqiqəyə tuş gələn növbəti yanlışı bu dəfə Bəşir Qarayev tərəfindən bağışlanmır. O, qol sevincini 3 dəfə salto vurmaqla qeyd edir.
«Lerik» son dəqiqələrdə hesabı yenidən bərabərləşdirmək fürsəti yaxalayır. Qapıçı Nicat Mahmudovun seyvi qonaqların 1 xal qazanmaq arzusunun üstündən xətt çəkir.
Qarşılaşma ev sahiblərinin 2:1 hesablı qələbəsi ilə başa çatır.
Xallarını 32-yə yüksəldən "Göygöl" turnir cədvəlinin 8-ci pilləsində qərarlaşıb. 16 xalı olan "Lerik" isə 11-ci yerdədir.
SPORTİNFO.AZ
|
Göygöl OİK stadionu. 45 tamaşaçı |
|
||
|
