Bu yay «Baku Sportinq»in baş məşqçi postundan uzaqlaşdırılan Elman Sultanov yeni təyinat alıb.
Son iki mövsümdə Buzovna təmsilçisini çalışdırmış mütəxəssis indən belə II Liqada işləyəcək.
O, «Quba»da idman direktoru postunu tutub.
«Baku Sportinq»i 2024-cü ildə II Liqanın çempionu etmiş Sultanov, əslində, «Quba»da iki iş görəcək. Direktor vəzifəsi ilə yanaşı, qeyri-rəsmi şəkildə baş məşqçi səlahiyyətlərini də yerinə yetirəcək.
Nədən belə? Məsələ ondadır ki, Sultanov hazırda «Pro» kateqoriyalı kurslarda iştirak edir. O, kağız üzərində «Difai»də çalışır, adı burada gedir.
SPORTİNFO.AZ
