II Liqada gözlənilməz baş məşqçi ayrılığı yaşanıb.
Nadir Əliyev çempionluğa iddialı «Füzuli»ni tərk edib.
O, 19-cu turda lider «Baku Sportinq»lə qolsuz bitən səfər matçından sonra Qarabağ təmsilçisi ilə vidalaşıb.
Yaxınlaradək «Şamaxı»da işləmiş mütəxəssislə yanaşı, qapıçılar üzrə köməkçisi Əyyub Əliyev də buradan uzaqlaşıb.
«Füzuli» yarışın favoritlərindən biri sayılır. Eyniadlı rayonun komandası 42 xalla turnir cədvəlinin 2-ci pilləsində qərarlaşıb.
Onlar ilk sıradakı «Baku Sportinq»dən cəmi 1 xal geri qalırlar.
SPORTİNFO.AZ
