.jpg)
«Hələ yayda şəxsən özüm proqnoz vermişdim ki, bu mövsüm son illərin ən gərgin çempionatlarından biri olacaq».
Bu sözləri Sportinfo.az-a açıqlamasıında «Zirə»nin baş məşqçisi Rəşad Sadıqov deyib.
Cari sezondan etibarən «qartallar»ı çalışdıran gənc mütəxəssis Premyer Liqanın geridə qalan bölümü haqda fikirlərini bölüşüb.
Qəsəbə təmsilçisi 9 turdan sonra liderlər qrupunda qərarlaşıb. Aktivində 15 xalı olan «Zirə» eyni əmsala malik «Sumqayıt» və «Qarabağ»la birlikdə 1-3-cü yerləri bölüşdürür.
Sadıqov qeyd edib ki, yarışma həddən ziyadə rəqabət şəraitində keçir: «Həqiqətən də, ilk 9 tur mənim sözlərimi bir daha təsdiqlədi. Hər bir komanda əzimkar mübarizə aparır.
Bu günə kimi baş tutan oyunlarda turnir cədvəlindəki yerlər özünü hiss etdirmir. Çox nadir hallarda kimsə kimdənsə üstün oynayır. Bütün oyunlar gərgin mübarizə şəraitində keçir.
Səkkiz komandadan dördünün avrokuboklara getməsinə görə hamı sona kimi mübarizə aparır və Avropa Liqasına düşmək istəyir. Şəxsi fikrimdir ki, son tura kimi klublardan heç biri təslim olmayacaq. Bizi bu il çox gərgin və rəngarəng çempionat gözləyir».
.jpg)
