UEFA Millətlər Liqasının oyunları ilə əlaqədar Premyer Liqada yaranmış fasilədən yararlanan "Zirə" bu gün yoxlama oyununda qüvvəsini sınayıb.
Sportinfo.az xəbər verir ki, Rəşad Sadıqovun komandası U-19 millisi ilə qarşılaşıb.
Oyun "Zirə"nin 1:0 hesablı qələbəsiylə yekunlaşıb. Qəsəbə təmsilçisinə qələbə qazandıran qolu 82-ci dəqiqədə Tamerlan Burcəliyev vurub.
O, baş məşqçi tərəfindən iki həftədən artıqdır əsas komandaya cəlb oulunb. İstedadlı hücumçunun yaxınlarda Qarabağda şəhidlik zirvəsinə ucalan İlqar Burcəliyevin kiçik qardaşı olmasını da xatırladaq.
