.jpg)
"Hər oyun olduğu kimi, bu dəfə də qələbə qazanmaq üçün meydana çıxmışdıq.
Gördüyünüz kimi, çox ağır oyun keçdi. Əsas odur ki, sonda istədiyimiz nəticəni əldə edə bildik".
Bu sözləri Sportinfo.az-a açıqlamasında Azərbaycan kubokunun 1/4 final mərhələsi çərçivəsində "Neftçi" ilə baş tutan oyun haqqında danışan "Zirə"nin yarımmüdafiəçisi İlkin Muradov deyib.
O, çütün taleyini həll edən vurduğu qoldan da danışıb: "Səlahət Ağayev əvvəl istədi topu qabağa vursun, amma sonra pauza götürdü. Bu anda ayağımı qoydum və top mənə dəyib qapıdan keçdi".
Muradov əsas hədəflərinin öz oyunlarını inkişaf etdirmək olduğunu bildirib:
"Qarşımızda konkret hansısa məqsəd yoxdur. İstəyimiz hər keçən gün oyunumuzu inkişaf etdirməkdir.
Oyunumuz istədiyimiz səviyyədə olsa, nəticələr özü gələcək. Növbəti mərhələdəki oyunlarda da məqsədimiz qələbə qazanmaq olacaq".
.jpg)
