"Zirə"nin tablosu işləmədi, AFFA 800 manat aldı

27 Yanvar 14:00 Zirə 374
"Zirə"nin tablosu işləmədi, AFFA 800 manat aldı

Bu gün AFFA İntizam Komitəsinin növbəti iclası keçirilib.

Sportinfo.az-ın Peşəkar Futbol Liqasının rəsmi saytına istinadən məlumatına görə, iclasda 4 klubla bağlı məsələyə baxılıb.

Azərbaycan Premyer Liqasında XIV turun “Zirə” – “Qəbələ” oyununda stadiondakı hesab tablosu işlək vəziyyətdə olmayıb.

Bu səbəbdən, meydan sahibi klub 800 manat cərimələnib. Bundan başqa klublar hərəyə 4 futbolçusunun sarı vərəqə almaları səbəbindən 800 manat cərimələniblər.

Eyni cəzaya “Səbail”lə səfər oyununda 5 futbolçusunun sarı vərəqə alması üzündən "Neftçi" məruz qalıb.

“Sumqayıt”la ev oyununun 38-ci dəqiqəsində “Keşlə”nin futbolçusu Elçin Mustafayev “sonuncu ümid folu”na görə birbaşa qırmızı vərəqə alaraq meydançadan kənarlaşdırılıb. Buna görə Mustafayev 1 oyunluq cəzalanıb, klubu 200 manat cərimə olunub.

Xəbər Lenti
25 Fevral 17:20 "Sabah" - "Keşlə": CANLI
25 Fevral 13:20 AFFA qiyməti endirdi