Mövsümlərarası fasilədə «Keşlə»dən «Zirə»yə keçən Tural Bayramlı keçmiş klubundan təklif alıb.
Paytaxt təmsilçisinin yeni idman direktoru Ceyhun Sultanov yarımmüdafiəçi ilə əlaqə saxlayaraq, dəvət barədə məlumatlandırıb.
İlyarım öncə «Dauqavpils»dən qayıdandan sonra «Keşlə» ilə anlaşan gənc orta sahə oyunçusu bu çağırışa müsbət cavab verib.
U-21 yığmasının üzvü «Keşlə»dən gələn zəngin ardından «Zirə»nin məşqçiləri ilə görüşüb. O, burada əsas heyətə düşmədiyini, amma oynamaq istədiyini bildirərək, müqaviləsinə qarşılıqlı razılaşma əsasında xitam verilməsini istəyib.
SPORTİNFO.AZ
