“Zirə“nin hücumçusu Ağabala Ramazanov Premyer Liqanın 12-ci turunun “Sumqayıt”la oyununda (2:2) rekorda imza atıb.
Sportinfo.az xəbər verir ki, o, “qartallar”ın Premyer Liqada ən yaxşı yerli bombardiri olub.
Qəsəbə təmsilçisinin heyətində 12-ci matçına çıxan forvard 7-ci dəfə fərqlənib. Komandanın kapitanı bununla da 6 qol vuran Vüsal İsgəndərlini arxada qoyub.
Ağabala “Zirə”nin Premyer Liqadakı bombardirləri cədvəlində 5-cı sırada qərarlaşıb. O, yalnız legionerlərdən – Nelson Bonilla (14), Riçard Qadze (13), Xulio Sezar Rodriqes (12) və Milan Duriçdən (8) geri qalır.
