“Fənərbaxça”nın Türkiyə Superkubokunun “Qalatasaray”la matçının yarımçıq qalmasından sonra açıqlama yayıb.
Sportinfo.az xəbər verir ki, bu barədə klubun rəsmi saytı paylaşım edib.
“Meydançaya qalib gəlmək üçün deyil, həqiqəti müdafiəyə çıxdığımız üçün demək istəyirik ki, 117 illik tariximiz boyunca təkcə futbolda deyil, bütün növlərdə türk idmanına xidmət etmişik. Muzeyimizdə zəhmətlə qazanılmış minlərlə kubok var.
30 milyon azarkeşimizlə birlikdə ölkəmizin milli dəyərlərini paylaşırıq. Dünyanın ən böyük idman klubu olaraq, dünən olduğu kimi, bu gün də, sabah da mövqeyimizdə dayanmağa davam edəcəyik”.
Aprelin 7-də “Fənərbağça” və “Qalatasaray” komandalarının qarşılaşdığı Türkiyə Superkuboku matçı keçirilib.
Qarşılaşmanın ilk dəqiqəsində Mauro İkardi “Qalatasaray”ı hesabda irəli çıxarıb. Bu qoldan sonra fənərbaxçalılar meydanı tərk ediblər.
Beləliklə, “Fənərbaxça”ya texniki məğlubiyyət verilib. “Qalatasaray” Türkiyə Superkubokunun qalibi olub.
