.jpg)
«Turan Tovuz»da baş məşqçi ilə futbolçuların arasında münasibətlər gərginlik həddindədir.
Kurban Berdiyev daha bir oyunçunu özündən narazı salıb.
Roderik Miller Premyer Liqanın 8-ci turunda «Şamaxı» ilə səfər matçında zorla meydana çıxarılıb. Panamalı müdafiəçi 70-ci dəqiqədə Araş Qaderini əvəzləyib.
Halbuki o, bu qarşılaşmada forma geyinmək istəməyib.
«Araz-Naxçıvan»la 7-ci tura təsadüf edən görüşün 14-cü dəqiqəsində Ramon Maçadonun təpik zərbəsinə tuş gələn və gözünün altından ağır zədə alan legioner hələ tam sağalmayıb.
Berdiyev ağrılarının olduğunu və psixoloji cəhətdən özünü narahat hiss etdiyini söyləyən Millerin fikirlərinə məhəl qoymayıb. Çalışdırıcının tapşırığı ilə Panama yığmasının üzvünə ağrıkəsici iynə vurulub və yalnız bundan sonra o, yaşıl sahəyə ayaq basıb.
Miller matçdan sonra bu hadisəyə etirazını bildirib. Müdafiəçi sağlıq durumuna etinasız yanaşan baş məşqçidən şikayətini komanda yoldaşlarının yanında dilə gətirib.
SPORTİNFO.AZ
VİDEONU BU LINKƏ DAXİL OLARAQ İZLƏYİN:
