"Turan Tovuz"un "Kəpəz"in qolkiperi İqor Rodrigesi heyətinə cəlb etmək istəyində olması həqiqəti əks etdirmir.
Sadəcə portuqaliyalı qapıçı Qərb təmsilçisinə təklif olunub.
Bölgə klubu isə təklifə isti yanaşmayıb.
29 yaşlı legioner ötən ilin oktyabr ayından "Kəpəz"in şərəfini qoruyur.
O, bu klubda meydana çıxdığı 25 oyunda qapısından 45 qol buraxıb.
Xatırladaq ki, bir müddət əvvəl mətbuatda Tovuz təmsilçisinin İqor Rodrigesi heyətinə qatacağı iddia olunurdu.
XANOĞLAN / SPORTİNFO.AZ
