Milli komandanın oyunları ilə bağlı yaranmış fasilədə “Turan Tovuz”un keçəcəyi hazırlıq planı məlum olub.
Baş məşqçi Ayxan Abbasov “Qarabağ”la oyunun ardınca futbolçulara 3 günlük istirahət verib.
Kollektiv 21 mart Qəbələdə bir araya gələcək.
Qərb təmsilçisi adıçəkilən şəhərdə martın 25-nə kimi qalacaq.
Və bu müddətdə bir yoxlama görüşü nəzərdə tutulub.
Rəqib isə “Qəbələ-2” kollektivi olacaq.
Xatırladaq ki, Premyer Liqada yaranmış fasilə martın 29-u 28-ci turla başa çatacaq.
“Turan Tovuz” martın 30-u tur çərçivəsində Bakıda “Səbail”in qonağı olacaq.
XANOĞLAN / SPORTİNFO.AZ