.jpg)
Premyer Liqanın 27-ci turunun “Turan Tovuz” - “Qarabağ” matçında böyük ajiotaj yaşanıb.
Sportinfo.az xəbər verir ki, matçın ilk dəqiqələrindən arenanın hər iki tribunasının ağzınadək dolması diqqət çəkib.
Çünki adətən Azərbaycan çempionatında oyunlara az azarkeş gəlir. Son iki mövsümdə bəzi matçlarda əsasən Tovuzdakı oyunlar fərqlənib.
Bugünkü matçda tribunaların dolması oyuna əlavə rəng qatıb. İlkin məlumata görə, oyunu ən azı 7 min azarkeş stadiondan izləyib. Bu, cari mövsüm Tovuz stadionu üçün rekord sayıla bilər.
Bugünkü matça böyük marağın olması isə “Qarabağ”ın bu mövsüm Avropa kuboklarında uğurlu çıxışı ilə bağlıdır. Bu matça canlı baxmaq üçün Tovuza ətraf rayonlardan da azarkeşlər gəlib.
