"Turan Tovuz" futbolçusu ilə bağlı sərt qərar verib.
Komandanın yarımmüdafiəçisi Budaq Nəsirov əsas komandadan uzaqlaşdırılıb.
Bu barədə komandanın baş məşqçisi Ayxan Abbasov Sportinfo.az-a açıqlama verib:
"Bəli, etdiyi hərəkətə görə əsas komandadan uzaqlaşdırılıb. Onunla bağlı yekun qərar yaxın 2-3 gündə veriləcək"
Xatırladaq ki, yarımmüdafiəçi ilə bağlı belə qərar verilməsinə səbəb Əvəzedicilər Liqasının 20-ci turunun “Turan Tovuz-2” – “Səbail-2” oyununun 72-ci dəqiqəsində komanda yoldaşını vurması olub.
AFFA İntizam Komitsə təcavüzkar hərəkətinə görə, futbolçunu 4 oyun cəzalandırıb.
"Turan Tovuz-2” komandası 300 manat cərimə edib.
Budaq Nəsirov Tovuz klubunun əsas komandası üçün sifariş olunsa da, oyun praktikası qazanması üçün əvəzedici heyətdə də oyunlara çıxırdı.
2019-cu ildən klubsuz qalan yarımmüdafiəçini cari mövsümün əvvəlində Ayxan Abbasov kluba dəvət etmişdi.
XANOĞLAN / SPORTİNFO.AZ