“Turan Tovuz” qərb derbisində “Kəpəz”ə məğlub oldu.
Gəncəlilərin nominal meydan sahibi olduğu Qəbələ şəhər stadionundakı matçda tovuzlular hesabı erkən açsa da, Faiq Hacıyev qırmızı vərəqə almaqla komandasını çətin vəziyyətə saldı.
Say üstünlüyündən lazımınca istifadə edən Adil Şükürovun rəhbərlik etdiyi kollektiv 2 qol vuraraq 3 xalı aktivinə yazdı.
Sevimli komandalarını dəstəkləmək üçün Tovuzdan Qəbələyə gələn 60-a yaxın azarkeş hakimin final fitindən sonra “Turan Tovuz”a sevgi nümayiş etdirdi.
Onlar məğlub komandanın üzvlərini tribunanın önünə səsləyərək ayaqüstə alqışladı.
HƏBİB / SPORTİNFO.AZ
Futbol adına xoş sayılan anların görüntülərini təqdim edirik: