.jpg)
“Turan Tovuz”dan ayrılacağı gözlənilən gürcüstanlı yarımmüdafiəçi Pruzi Marakvelidze Sportinfo.az-a müsahibə verib.
O, hazırkı durumu və gələcək karyerası barədə danışıb.
- Hazırkı durumun necədir?
- Normal. Hazırda vətənimdəyəm. Zədəmin bərpası ilə məşğulam.
- Özünə yeni klub da axtarırsanmı?
- Hazırda “Turan”ın futbolçusuyam. Sonra necə olacağını görəcəyik.
- Komandadan ayrılacağınızla bağlı iddialar doğru deyil?
- Bunu şərh etmək istəmirəm. İndi zədəm var və müqaviləm bitənə qədər komandadan ayrılmağı düşünmürəm.
- Azərbaycanda keçirdiyin karyeranı necə dəyərləndirirsən?
- Təbii ki, uğurlu hesab edə bilmərəm.
- Niyə?
- Potensialımı tam şəkildə göstərə bilmədim.
- Buna nə mane oldu?
- Aldığım zədələr mənə böyük çətinlik yaratdı. Əks halda “Turan” üçün daha yaxşı işlər görə bilərdim.
- Zədə səbəbindən Antalya toplanışında da yer almadın. Düşərgəyə nə vaxt qayıtmağı düşünürsən?
- Ümid edirəm ki, bu, tezliklə olacaq.
XANOĞLAN İMANOV
