.jpg)
“Tətili öz ölkəmdə ailəmlə birgə keçirməyim yerinə düşdü, buna ehtiyacım var idi”.
“Turan Tovuz”un əsas fiqurlarından olan Roderik Miller Sportinfo.az-a açıqlamasında qış fasiləsində əlinə düşən 10 günlük istirahət barədə danışıb.
İstirahətini vətəni Panamada, ailə üzvləri və doğmaları ilə birlikdə keçirən ucaboy forvard üçün ən ləzzətli istirahət dekabr ayında çimərlikdə dincəlmək olub.
Öz dilindən eşidək:
“Vaxtımız çox olmasa da, bundan maksimum dərəcədə istifadə etməyə çalışdım. Allaha şükürlər olsun ki, hər birimiz üçün belə bir fürsət yarandı.
Daim fiziki baxımdan yüklənmədə olduğumuza görə biz futbolçular üçün ən yaxşı istirahət çimərlik və qumdur.
İtirdiyimiz enerjini bərpa etmək və çempionatın qalan hissəsinə hazırlaşmaq üçün çimərliyə baş çəkməyim yerinə düşdü. Fikrimcə, istirahətin xeyrini görəcəyəm”.
Maraq üçün bildirək ki, yanvar ayı olmasına baxmayaraq, hazırda Panamada günorta saatlarında müsbət 32-34 dərəcə isti müşahidə olunmaqdadır.
HƏBİB
