"Turan Tovuz"un qış fasiləsində yollarını ayırmaq istədiyi futbolçulardan birinin kimliyi məlum olub.
Bu, gürcüstanlı legioner Piruzi Marakvelidzedir.
Artıq bir müddətdir tərəflər arasında bu yöndə danışıqlara start verilib.
2024-cü ilin yayında müqaviləsi bitəcək yarımmüdafiəçi ilə dil tapmaq mümkün olsa, qışdan sonra 28 yaşlı legioneri Tovuz klubunda görməyəcəyik.
Piruzi 2022-ci ilin yayından qərb təmsilçisində çıxış edir.
O, arxada qalan müddətdə "Turan" formasında 28 matç keçirib və 1 asistlə yadda qalıb.
XANOĞLAN / SPORTİNFO.AZ
