«Turan Tovuz» növbəti transfer çalışmasını sona çatdırıb.
Premyer Liqada ikinci mövsümünü keçirən və iddialı duruma gələn qərb klubu yenə ölkə xaricinə üz tutub.
Antonii Amos Beji ilə razılaşma əldə olunub. Nigeriyalı yarımmüdafiəçi ən qısa zamanda özünü bura yetirəcək.
24 yaşlı afrikalı indiyədək Albaniyada çıxış edib. 2017-2018-ci illərdə «Eqnatiya»nın formasını geyinib.
Son 5 ili isə «Bilis»də keçirib. O, bu illər ərzində sözügedən ölkənin çempionatında 82 oyun keçirib, 17 qol vurub.
Cari ilin iyunundan bəri azad agent statusu daşıyır.
SPORTİNFO.AZ
