Transfer çalışmalarındakı çalışmalarını sürətləndirən “Turan Tovuz” növbəti mövsümə başlamağa hazırlaşır.
Bölgə təmsilçisi iyunun 30-da bir araya gələcək.
Toplanışın ilk mərhələsi Bakıda baş tutacaq ki, Ayxan Abbasov yetirmələrini Bakı Olimpiyas Stadionunun ehtiyat meydanında hazırlayacaq.
İlk mərhələ iyulun 12-də başa çatacaq. “Turan Tovuz” həmin gün həm də yoldaşlıq görüşündə qüvvəsini sınayacaq.
Rəqibin adı məlumdur: Premyer Liqaya yeni vəsiqə qazanan “Araz Naxçıvan”.
Qərblilər bir gün istirahət edəndən sonra iyulun 14-də Türkiyəyə yollanacaq. Ankaranın Qızılcahamam bölgəsində nəzərdə tutulan toplanış iki həftəni ehatə edəcək.
“Turan Tovuz” bu müddətdə 4 yoldaşlıq görüşü keçirməyi planlaşdırır. Lakin rəqiblərin adı hələ ki, məlum deyil.
Bölgə təmsilçisi Türkiyə hazırlığını iyulun 28-də başa vurub vətənə qayıdacaq və çempionata hazırlaşacaq.
HƏBİB / SPORTİNFO.AZ
