“Turan Tovuz”un müdafiəçisi Sadiq Quliyev cəzalı duruma düşüb.
Sportinfo.az xəbər verir ki, Quliyev Misli Premyer Liqasının 34-cü turunda səfərdə “Qəbələ”yə qarşı keçirilən görüşdə mövsüm ərzində dördüncü dəfə sarı vərəqə ilə cəzalanıb.
28 yaşlı müdafiəçi daha əvvəl 11-ci turda “Qarabağ”, 14-cü turda “Kəpəz” və 16-cı turda “Zirə” ilə görüşlərdə də sarı vərəqə alıb.
Bu səbəbdən də o, növbəti turda “Səbail”ə qarşı keçiriləcək matçda komandasına kömək edə bilməyəcək.
“Qəbələ” ilə oyunda Sadiq Quliyev 54-cü dəqiqədə hesabı açmaqla komandasının 2:1 hesablı qələbəsində pay sahibi olub.
